AQŞ Rusiyädän mediśina cihazları satıp aldı

AQŞ koronavirus kizüenä qarşı köräş maqsatınnan Rusiyädän mediśina cihazları satıp aldı. Bu xaqta Amerika däwlät departamentı wäkile Morgan Ortagus belderde. Satıp alu kizü belän köräşü öçen tözelgän kileşü qısalarında başqarıldı.

Ortagus üz belderüendä AQŞnıñ Kovid kizüe belän global’köräş alıp baruın, ämma çişeleşne berüze täêmin itä almayaçağın citkerde.  

“30nçı martta ilbaşı Tramp häm däwlät başlığı Putin arasında bulğan telefon äñgämäsennän soñ AQŞ ber oçqıç tulı mediśina kiräk-yaraqları satıp aldı. Alarnıñ êçendä sulış alu apparatları häm şäxsi saqlanu kiyemnäre bar. Oçqıç 1nçe aprel’dä N’yu-Yorkka kilde. İke il dä ütkändä krizis waqıtlarında ber-bersenä gumanitar yärdäm cibärde häm bu kiläçäktä dä şulay bulaçaq. Barıbıznıñ da tormışın qurqınıç astına quyuçı doşmannı ciñü öçen bergä êş itü waqıtı,”-dide Ortagus.

Rusiyädän AQŞqa cibärelgän häm mediśina kiräk-yaraqları taşuçı “AN-124” xärbi yök oçqıçı N’yu-Yorknıñ Djon F.Kennedi xalıqara aêroportına töşep utırdı.

Rusiyä saqlanu ministrlığı da kiçä mediśina cihazları häm bitlek tutırılğan oçqıçnıñ Mäskäw töbägendäge xärbi aêroporttan AQŞqa cibärelüen beldergän ide.