Ärdoğan: “Törkiyägä kapital saluçılar ükenmi”

Räsmi säfär belän atnakiçen Paqıstanğa kitkän Törkiyä İlbaşı Ärdoğan Törkiyä-Paqıstan êş forumında qatnaştı.

Ärdoğan biredä yasağan çığışında Paqıstan belän säwdäne başta ber milliard dollardan kübräk arttırırğa, annan soň 5 milliard dollar maqsatına ireşergä teläwlären belderde.

Törkiyäneň Paqıstandağı turıdan-turı investiśiyäläreneň bügenge köndä 500 million dollarğa citüen aňlatuçı Ärdoğan: "Xäzergä qadär ilebezgä ışanğan, Törkiyädä kapital salğan beräw dä ükenmäde”, - dip äytte.

İlbaşı Ärdoğan, Paqıstan xalqınıň däwalanu öçen Könbatış illären saylawın belderep: "Törkiyä sälamätlek saqlaw asqormasında zur alğarışlarğa ireşte. Xezmät cähätennän bulmasın, yaraşlı bäyälär yağınnan bulmasın, Törkiyä bu ölkädä Könbatış illärdän bik alğa kitte. Paqıstanlı qardäşlärebezneň däwalanu öçen yaňa marşrutları şuşındıy uq däwalanu xezmätlären tağın da yaraşlı bäyä belän täq’dim itüçe Törkiyä bulırğa tiyeş”, - dip äytte.

İlbaşı Ärdoğan Êş forumınnan soň Paqıstan Baş ministrı İmran Han belän oçraştı.

Ministrlar Kabinetındağı qara-qarşı söyläşü matbuğattan yabıq kileş ütkärelde.