Avtomobil' urınına - sulış alu cihazı

Avtomobil' gigantları Kovid-19ğa qarşı berläşä

01 Haziran 2020 13:01

Xalıqara avtomobil’ şirkätläre Kovid-19 kizüe belän köräşkä yärdäm itü öçen sulış alu apparatı häm başqa mediśina cihazları çığara başlayaçaq.

BBCdä urın ağlan xäbärgä qarağanda, AQŞta Djeneral Motors, Ford häm Tesla bu xaqta belderü yasadı. Alar Kovid-19 xastaları öçen iñ kiräkle häm Amerikada awıru oçraqları artqan sayın ixtiyac bulaçaq apparatlarnı küpläp çığaru öçen barlıq mömkinleklären qullanaçaqların citkerde.

Yaponiyä avtomobil’ çığaruçısı Nissan da AQŞ sport maşinaları yasawçı MakLaren häm Angliyä saqlanu, aviaśiyä häm ğaläm şirkäte Meggitt belän xezmättäşlek tözede. Alar yaña tör sulış alu cihazı uylap tabarğa alına.

Dön’yadağı traktor çığaruçı iñ zur firma – Hindstan avtomobil’ şirkäte Maxindra Grup üz êşxanälärendä sulış alu cihazı yasawğa kereşülären xäbär itte.  

Angliyädä Formula-1 yarışlarında qatnaşuçı komandalarnıñ wäkilläre uzğan atnada belderü yasap, mediśina cihazları çığaruğa öleş kertü öçen xökümät häm sälamätlek saqlaw oyışmalarına texnologiya, uylap tabu häm citeşterü nisbätennän yärdäm itärgä äzer buluların äytte.

Törkiyä sälamätlek saqlaw ministrı Fäxretdin Koca kiçäge belderüendä “Cirle sulış alu cihazların küpläp yasıy başlıybız,”-dip citkerde.