Awrupa Törkiyädän kiyenä
Törkiyä ğinwar’ (ğıynvar’)-iyün’ çorında 162 ilgä 3 milliard 304 million 418 meñ dollarlıq tuqılmağan kiyem häm aksessuarların êksportlağan bulsa, satuda berençe urında Awrupa illäre tordı
1267722
Törkiyä statistika oyışması mäğ’lümatlärenä kürä, tarmaq yılnıñ berençe yartısında uzğan yılnıñ şul uq çorına qarağanda êksporttan yaqınça 84 million dollar tağın da kübräk kerem aldı.
Yılnıñ berençe 6 ayında iñ küp tuqılmağan kiyem êşlänmäläre häm aksessuarları êksportlanğan il 645 million 906 meñ dollar belän İspaniya buldı.
Bu miqdar tuplam êksportnıñ yaqınça 19%ın täşkil itte.
İsemlektä İspaniyadan soñ 427 million 754 meñ dollarlıq êksport belän Germaniya, 293 million 237 meñ dollar belän Böyek Britan, 205 million 649 meñ dollar belän Niderland häm 137 million 391 meñ dollarlıq tışqı satu belän Franśiya urnaşqan.
