Çavuşoğlu: "Bez Angliya belän irekle säwdä kileşüen tözergä bik yaqın"

Çavuşoğlu çärşämbe könne Londonğa yasağan säfäre waqıtında “Financial Times”qa birgän äñgämäsendä ike taraf arasında prinśipta kileşügä qağılışlı bernindi qaraş ayırımlılığınıñ bulmawın, fäqät qayber texnik mäs’älälärneñ soñğı şäkellänelüeneñ zarurlığın assızıqladı.

İrekle säwdä kileşüe söyläşüläre öçen "Bik yaxşı bara häm yomğaqlawğa bez bik yaqın”, - dip bäyäläw yasawçı Çavuşoğlu: "İke yaqlı säwdäbezneñ külämenä qarasağız, monıñ 95%ın sänäğät êşlänmäläre täşkil itä häm bu mäs’älädä kileştek. 5%i isä igençelek uñışlarınnan häm xezmätlärennän tora”, - dip äytte.

Angliyanıñ Törkiyäneñ "strategik berlektäşe" buluına basım yasawçı Çavuşoğlu Angliya belän (bu ilneñ Awrupa Berlegennän ayırıluınnan soñğı) Brekzittan soñğı çorda ike yaqlı säwdäne arttıru qararına kilülären, bu qısada 20 milliard dollarlıq maqsat quyuların assızıqladı.

Çavuşoğlu irekle säwdä kileşüe belän ber rättän törek watandaşlarınıñ Angliyada êş tözüenä mömkinlek birüçe 1963nçe yılğı Änkara kileşüenä oxşaş başqa ber kileşüne dä söyläşülären belderde.