Davosta Bötendön’ya iq’tisadi forumı başlandı
Anda 117 ildän 3 meñläp wäkil qatnaşa
Şveyśariyäneñ Davos şähärçegendä 50nçe Bötendön’ya iq’tisadi forumı başlandı. Anda iñ yoğıntılı säyäsätçelär häm êşmäkärlek dön’yasınıñ aldınğı wäkilläre qatnaşa. Barlığı 117 ildän 3 meñ keşe. Bik küp däwlätne ilbaşı häm xökümät räise wäkillek itä.
Forumda AQŞ däwlät başlığı Donal’d Tramp, Germaniyä kanślerı Angela Merkel’, İtaliyä xökümäte räise Djuzeppe Konte, Awrupa Berlege komissiyäse räise Ursula fon der Layen häm İspaniyä xökümäte räise Pedro Sançesnıñ çığış yasawı kötelä.
Davosqa Törkiyädän tışqı êşlär ministrı Mäwlet Çavuşoğlu, qazna häm finans ministrı Bärat Albayraq, säwdä ministrı Ruxsar Päkcan häm üzäk bank räise Murat Uysal kitte.
Forum qısalarında ütäçäk cıyılışlarda klimat üzgärü, säwdä, iq’tisad häm diplomatik temalar qaralaçaq.
Sammitta köçle qurqınıçsızlıq çaraları kürelä. Şul tirädä ük êkologlar protest çaralaru uzdıra.
Bäyläneşle xäbärlär
Yulçı sanında rekord
”Törek hawa yulları” aviakompaniyäse 2023 nçe yılda 83 million 400 meñ yulçığa xezmät kürsätte