Dön'yada azıq-tölek bäyäläre iñ yuğarı noqtasında

Dön’yaküläm azıq-tölek bäyäläre noyabr’dä üsüen däwam itep 2011nçe yılnıñ iyünennän birle iñ yuğarı däräcäsenä citte.

BMO azıq-tölek häm awıl xucalığı oyışmasınnan yasalğan belderügä qarağanda, tarmaqta bäyä indeksı uzğan ay, oktyabr’gä qarağanda, 1,2%qa arttı häm urtaça 134,4 däräcägä citte.

Söt êşlänmäläreneñ bäyä indeksı noyabr’dä, annan aldağı ay belän çağıştırğanda, 3,4%qa arttı. Börteklelärdä dä bu kürsätkeç – 3,1%. Uzğan yılğı belän çağıştırsañ – 23,2%qa arttı. Kukuruz bäyälärendäge artu çikle qaldı, boday isä 2011nçe yılnıñ mayınnan birle iñ qıybatlı noqtağa kilde.

Şikär bäyäse indeksı isä noyabr’dä, oktyabr’ belän çağıştırğanda,1,4%qa, 2020nçe yılnıñ noyabrenä kürä – 40%qa arttı.