Dön’yada här 20 hawa yökläreneñ berse “Turkish Cargo” belän taşındı
Xalıqara hawa yök mäğ’lümaten citkerüçe “World Air Cargo Data”nıñ may ayındağı mäğ’lümatlärenä kürä, “Turkish Cargo” (Tyorkiş kargo) bazar öleşen 5%qa arttırıp, böten dönyada här 20 hawa yökennän bersen taşıdı
THY Törek hawa yulları matbuğat idaräsennän yasalğan belderügä kürä, global’ külämdä yoğıntısı xis itelgän “Kovid-19” kizüe barışında dönyaküläm hawa yök bazarı tığız räweştä täêsirlänep citdi däräcädä krizis yäşäde häm ğinwar-may ayları aralığında 18%qa keçeräyde.
“Turkish Cargo” isä monnan aldağı yılnıñ şul uq çorına qarağanda tonnaj yuğaltuın yäşämäde häm xalıqara täêmin itü çeltäreneñ aqsamawı öçen global’ küper wazıyfasın ütäde.
Xalıqara hawa yök mäğ’lümaten citkerüçe “World Air Cargo Data”nıñ may ayındağı mäğ’lümatlärenä kürä, “Turkish Cargo” (Tyorkiş kargo) bazar öleşen 5%qa arttırıp, böten dönyada här 20 hawa yökennän bersen taşıdı.
Bu barışta yuğarı tonnaj sälätle yök oçqıçları belän turıdan-turı yök bara torğan 90 urınğa xezmät täêmin itkän “Turkish Cargo” monnan tış töp marka Törek hawa yullarınıñ kiñ korpuslı yulçı oçqıçları belän London, Mäskäw, Oslo, Şanxay, Bangkok, Doha, N’yu-York häm Kasablanka belän bergä 60tan kübräk urınğa hawa yök operaśiyasın başqarıp, bu operaśiyälärdä 32 kiñ korpuslı yulçı oçqıçın qullandı.
“Turkish Cargo” 1nçe fevral’-30nçı iyün’dä 21 meñ 547 tonna daru häm 7 meñ tonnağa yaqın mediśina äsbäpların alıp barıp, barı tik iyün’ ayında ğına yök häm yulçı oçqıçları belän ber meñ 100dän kübräk säfär yasadı.
