Dön'yadağı iñ bay 10 keşeneñ 7se texnologiyä tarmağında

Bloomberg milliarderlar indeksına kergän şäxeslär

1536225
Dön'yadağı iñ bay 10 keşeneñ 7se texnologiyä tarmağında

Dön’yadağı iñ bay 500 keşe kergän isemlektäge berençe 10 êşmäkärneñ 7se  texnologiyä belän bäyläneşle, 8e isä amerikalı.

Bloomberg milliarderlar indeksına qarağanda, isemlektä berençelekne “Amazon” şirkäten tözegän Djeff Bezos aldı. Äle 2019nçı yılnıñ dekabrendä genä amerikalı êşmäkärneñ 110 milliard dolları bulğan. Koronavirus kizüe çorında Bezosnıñ baylığı şaqqatqıç däräcädä arta häm 187 milliard dollarğa citä.

İsemlektä ikençe urında Bill Geytsnı uzıp kitkän İlon Mask urın ala. Böten dön’yağa bilgele Tesla, Spays häm Neuralink şikelle şirkätlärneñ yuğarı idaräçese baylığın 140 milliard dollarğa citkerde.

Masktan soñ milliarderlar isemlegendä Maykrosoftnı tözegän Bill Geyts kilä. Ul indeksta ozaq yıllar berençe urında ide. 129 milliard dollarlıq baylığı belän ul xäzer 3nçe.  

İsemlektä 4nçe urında - 105 milliard dollarlıq mal-mölkäte belän franśuz êşmäkäre Bernar Arno. 5nçe urında – Feysbuknı tözüçe Mark Śukerberg. Ul, şuşay uq, İnstagram häm Vatsapnıñ da xucası. Śukerbergnıñ baylığı 104 milliard dollar bularaq isäplänä.  

Dön’yadağı iñ baylar isemlegendä berençe unlıqqa kerüçe başqa şäxeslär isä bolar: Uorren Baffet – törle yünäleştäge êşmäkärlek, Larri Peydj, Sergey Brin, Stiv Ballmer – texnologiyä, Mukeş Ambani – ênergetika.



Bäyläneşle xäbärlär