Ğaşıyqlarğa 60 million çäçäk satıldı

Törkiyädän 14nçe fevral’ ğaşıyqlar köne uñayınnan çit illärgä 60 million çäçäk cibärdelär. Satıp aluçılar arasında Niderland, Angliyä, Germaniyä, Rumıniyä,  Ukraina - barlığı 50 il.

Üzäk Anadolu dekorativ üsemleklär häm êşlänmälär êksportyerları berlegennän İsmail Yılmaz beldergänçä, bıyıl, uzğan yıl belän çağıştırğanda, 6 million çäçäkkä kübräk satılğan. Annan barlığı 6 yarım million dollar kerem kilgän. “Soñğı partiyälärne xäzerlibez. Yök maşinaları belän cibärü tögällände. Monnan soñ çäçäk sorawçılarğa oçqıç belän yullayaçaqbız,”-dide İsmail Yılmaz. Ul çäçäk citeşterü tarmağınıñ 14nçe fevral’ ğaşıyqlar könennän soñ 8nçe mart- xatın-qızlar könenä xäzerlänä başlayaçağın belderde.