Gazprom tabiğıy gaznı çit ilgä rubl' belän sattı

Rus ênergetika şirkäte Gazprom Könbatış Yevropağa täwge tapqır rubl’ belän tülängän gaz sattı. Yazmaça belderüdä äytelgänçä, satu êlektron räweştä başqarıldı. Anda “Gazprom êksport”nıñ citäkçese Yelena Burmistrovanıñ fikerenä urın birelde. “Rubl’ belän tormışqa aşırılğan satu barı tik säwdä genä tügel, ber ük waqıtta simvolik mäğ’nägä iyä,”-dide ul. Burmistrova bu yünäleşneñ däwam ittereläçägen dä belderde.  

Êlektron säwdä platforması Awrupalı qullanuçılarğa kileşü tışındağı östämä tabiğıy gaz satunı täêmin itä.

Amerika Quşma Ştatları häm Könbatış däwlätläreneñ sankśiyäläre säbäple Rusiyä wäkilläre il iq’tisadında dollar qullanunı kimetergä tırışa. İq’tisadi üseş ministrı Maksim Oreşkin “dollarsızlaştıru” öçen törle adımnar yasalaçağın beldergän ide.

Rusiyä üzäk bankı xisabında 2018nçe yılnıñ ikençe çiregendä finans oyışmasındağı 100 milliard dollarlıq rezervnıñ yuan’ häm yevroğa äyländerelüe belderelde.