“İke il arasındağı êçkersez häm yaqın dialog kiñ qırlı xezmättäşlektän köç ala”

Törkiyä ilbaşı Räcäp Tayyip Ärdoğan Rusiya Federaśiyäse başqalası Mäskäwdä däwlät başlığı Vladimir Putin belän Xalıqara ğaläm häm aviaśiya yärminkäsen (MAKS 2019) açu tantanasında qatnaştı.

Ul biredä yasağan çığışında MAKS 2019 nı üz tarmağındağı möhim yärminkälärneñ berse buluın belderde.

Ärdoğan:” Bez dä bıyıl 14 nçe IDEF yärminkäse ütkäräçäkbez. 14-22 nçe sentyabr’ könnärendä uzaçaq TEKNOFEST çarasında 1 millionnan kübräk keşe qatnaşır dip kötelä. Däwlät başlığı Putinnı häm Rusiya xalqın festival’gä kötep qalabız”,-dide.

İlbaşı Törkiyäneñ saqlanu, aviaśiya häm ğaläm texnologiyälärendä üs süzen äytä alırlıq il buluın belderep, 2018 nçe yılda saqlanu häm aviaśiya tarmağınıñ tuplam êksportınıñ 2 milliard 500 milion dollarğa citüen citkerde.

Törkiyä belän Rusiya arasındağı êçkersez häm yaqın dialognıñ kiñ qırlı xezmättäşlektän köç aluın belderep:”Bıyıl 6 million Rusiya turistınıñ Törkiyägä kilüe kötelä. İke il arasındağı säwdä küläme 25 milliard dollardan arttı. Maqsatıbız anı 100 milliard dollarğa citkerü”,- dide.