İMF: “Kovid-19 global’ iq’tisadqa citdi räweştä täêsir itäçäk”

İMFneñ strategiya, säyäsät häm tikşerenü bülege direktorı Martin Muhleisen IMFneñ web saytında çıqqan yazuında iq’tisadi şoknıñ waqıtlı buluına qağılışlı ışanıç buldıraçaq räweştä “Kovid-19” kizüeneñ çikländerelüeneñ xökümätlär öçen töp maqsat buluı zarurlığına iğ’tibarnı yünältte.

Xökümätlärneñ häm banklarnıñ bazarlarnıñ likvidlığın täêmin itep funkśional’ torışta totu öçen monnan alda başqarılmağan çaralar kürüenä dä basım yasawçı Mühleisen yasalğan adımnarnıñ ixtıyacnıñ östendä dä bula alaçağına işarät itte.

Mühleisen: "Köçle yoğıntı yasawı öçen bu adımnarnıñ xalıqara koordinaśiya belän başqarıluı zarur. Krizisqa sälamätlek saqlaw ölkäsendä ni çaqlı yaxşı oyışqanlıq, ni qadär bik koordinaśiyäle itep cawap birelersä, ışanıçnıñ kire qaytuı şul xätle tiz mömkin bulır”, - dip äytte.

Mühleisen, finans oyışmalarınıñ 2008-2009 global’ finans krizisınnan äwwälgesenä qarağanda tağın da nıq toruçan häm äzerlekle buluına da iğ’tibarnı yünältep: "Krizis mondıy şokka äzerlekle buluıbıznı uylağan çorğa turı kilde”, - dip assızıqlap äytep uzdı.