İñ yaña öy cihazları - Kölndä

Dön’yadağı iñ zur öy cihazları kürgäzmälärennän berse Germaniyäneñ Köln şähärendä üz işeklären açtı. Anda bıyıl 50 däwlättän 1200 şirkät qatnaşa. Törkiyäne Xalıqara öy cihazları kürgäzmäsendä 23 kompaniyä wäkillek itä.  

Êkspoziśiyä yaqınça 240 meñ kvadrat metr mäydanğa qorılğan häm 10 bülemnän tora.

Kürgäzmädä divan cıyılmaları, yoqı bülmäse, zal, vanna cihazları, balalar bülmäse öçen kiräk-yaraq, öy tekstile, divar tüşämäläre, yaqtırtu cihazları häm başqa aksessuarlar belän dekoraśiyä êşlänmäläreneñ iñ yaña model’lären kürergä mömkin.

Êkspoziśiyädä kiñ häm modern öylärdän tış keçkenä yäşäw mäydannarı öçen cıyıla ala torğan häm êkologik cihazlar da alğı planğa çığa.

Kürgäzmä 19nçı ğıynvarğa qadär êşli.