İnjir êksportı arttı

Törkiyäneñ yaqınça 2 aylıq çorda yaña ölgergän injir êksportı uzğan yılnıñ şul uq çorına kürä 12%ka artıp, 34 million 992 meñ dollardan 39 million 306 meñ dollarğa citte.

Ägäy êksportçı berleklärennän alınğan mäğlümatqa kürä Törkiyä yaña ölgergän injir êksportı başlanğan 26 iyul’ könennän 15 sentäbr’ğa qadär bulğan çorda çit illärgä satunı uzğan yılnıñ şul uq çorı belän çağıştırğanda 12%ka arttırıp, 34 million 992 meñ dollardan 39 million 306 meñ dollarğa citkerde.

Yaqınça 50 ildä tabınnarnı bizägän yaña ölgergän injirda iñ küp êksport 13 million 456 meñ dollar belän Germaniyağa başqarıldı.

Bu ildän soñ 4 million 30 meñ dollar belän Rusiyä häm 3 million 979 meñ dollar belän Niderland kilä.