İranda qıtlıq başlana

AQŞ sankśiyäläre näticäsendä İranda azıq-tölek häm daruğa qıtlıq başlanırğa mömkin. Bu xaqta il parlamentınıñ milli iminlek häm tışqı säyäsät komissiyäse räise Xaşmätullax Fälahätpişä belderde. Ul İSNA xäbär ağentlığına interv’yu birep, AQŞ däwlät särqatibe Mayk Pompeonıñ: “Ägär İran idaräse xalqınıñ tuq buluın teläsä, Amerikanı tıñlarğa tiyeş,”-digän süzlären cawapladı.

Xaşmätullax Fälahätpişä beldergänçä, AQŞ sankśiyälär belän keçkenä häm köçsez İrannı maqsat itep aldı, ämma anıñ xalıqnıñ berdämlege häm berlegen arttıracağın farazlıy almadı.

“Mediśina tarmağındağı qıyınlıqlar inde xäzer ük yaman şeş häm xronik çirlärneñ darularında citmäwçelek belän başlandı. Alarnıñ 90%ı ildä çığarıla. Qalğannarı çittän kertelä,”-dip söyli xalıq ışanıçlısı. Ul Vaşington idaräseneñ bu kereşüläre İran xalqın däwlättän ayırunı küzdä totuın, ämma maqsatına ireşä almayacağın belderde.