İranda yaña gaz mäydannarı

Ministrlıqnıñ “Twitter” xisabınnan yasalğan belderüendä: "İran Kön’yaq Pars mäydanında ber könlek 110 million kub metr êşläp çığaru köçenä iyä 4 yaña gaz mäydanın açaçaq," – dip äytelde.

Belderüdä yaña gaz mäydannarınıñ qayçan açılaçağı turında mäğ’lümat isä birelmäde.

Farsı qultığında urnaşqan häm İran belän Qatar arasında urtaqlaşılğan 9 meñ 700 kvadrat çaqrımlıq Kön’yaq Pars tabiği (tabiğıy) gaz mäydanı İrannıñ gaz rezervlarınıñ yaqınça 40%ın täşkil itä.

Xalıqara ênergetika agentlığı (IEA) mäğ’lümatlärenä kürä, 14 trillion kub metr gaz häm 18 milliard miçkä gaz kondensatı rezervlarına iyä buluı isäplänelgän Kön’yaq Pars tabiği (tabiğıy) gaz mäydanı dönyada belengän tabiği (tabiğıy) gaz rezervlarınıñ da 8%ın üz êçenä ala.

İran neft’ ministrı Bijän Namdar Zängänä 6nçı fevral’dä däwlät televideniyäsenä yasağan belderüendä Kön’yaq Pars tabiği (tabiğıy) gaz mäydanınnan ber köndä 610 million kub metr gaz êşläp çığarıluın äytkän ide.

Amerika Quşma Ştatlarınıñ İranğa qarşı çikläwläre arqasında Franśiyanıñ ênergetika şirkäte “Total”, Kön’yaq Parstağı investiśyälären kire alıp, üz östenä alğan proyektlarnı Qıtaynıñ CNPC milli şirkätenä tapşırğan ide.

“CNPC”neñ dä sankśiyälär arqasında Kön’yaq Parstağı investiśiyälären tuñdıruı belderelä.