İtaliyädä ber töndä millioner buldılar

İtaliyädä ber bäxetle keşe lotoreyada aqça otıp millioner buldı. 2 yevroğa satıp alınğan biletqa yaqınça 1 milliard 300 million törek lirası çıqtı.

İtaliyä matbuğatındağı xäbärlärgä qarağanda, ildäge populyar “SuperEnalotto” lotoreyasında Milan tiräsendäge Lodi şähärçegendä bilet satıp alğan beräwgä iñ yuğarı otış - djek-pot çığa. Ul ber töndä 209 million yevroğa iyä bula.

Marino dip ataluçı kiosknıñ xucası Marisa Kazerini zur otış çıqqan biletnı üzeneñ satuın belderep, bik dulqınlanuın äytte. Anıñ äytüençä, bilet 1 belän 90 arasında oçraqlı räweştä bilgelängän 6 sannan tora.

209 million yevro il tarixında häm Awrupada iñ zur otış. Monnan alda İtaliyädä iñ zur djek-pot 2010nçe yılnıñ 30nçı oktyabrendä çıqqan 177 yarım million yevro bula.