İzrail Ğazzäneñ awıl xucalığına zarar sala

İzrail böyä qapqaçların açıp Ğazzädä yartı million dollarlıq zıyanğa säbäpçe buldı.

Fälästyin awıl xucalığı ministrlığınnan belderülärençä, İzrailneñ yañğır suları cıyıluçı böyäne kontrol’sez açuı Ğazzädäge basu-qırlarğa yaqınça 500 meñ dollarlıq zarar kitergän. Monnan tış, yort koşları belän umartalıqlardağı bal qortları ülgän.   

Taşqın qayber cirleklärdä êroziyägä kiterep çığarğan. Belderüdä assızıqlanğança,  920 meñ kvadrat metr mäydan su astında qalğan häm andağı suğan, bäräñgelär tulısınça yuqqa çıqqan.

Fälästin awıl xucalığı ministrlığı cirlektä zararnı xisaplaw barışında İzrail armiyäseneñ küz yäşen çığaruçı gaz qullanıp êşçänlekne kirtäläwen assızıqladı. Belderüdä xalıqara oyışmalar häm keşe xoquqı yaqlawçılardan qanun bozularnı tuqtatırğa yärdäm sorala.

İzrail töbäktä bik küp böyä tözede. Alarnı aldan kisätmiçä açalar. Bu Ğazzädä öylär häm cirlärneñ su astında qaluına säbäpçe bula.