Koronavirusnıñ dönya turizmına yoğıntısı

Yaña tör koronavirus (Kovid-19) kizüe arqasında xalıqara turist sanınıñ uzğan çorğa qarağanda 20-30% arasında azayaçağı küzallana

30 Mayıs 2020 01:50

Üzäge İspaniya başqalası Madridta urnaşqan BMO Bötendönya turizm oyışması yaña tör koronavirus (Kovid-19) kizüe arqasında xalıqara turist sanınıñ uzğan çorğa qarağanda 2020nçe yılda 20-30% tiräsendä azayaçağın isäpli.

Oyışmadan yazalğan yazma belderüdä “Kovid-19” arqasında şaqtıy ilneñ çiklären yabıp quyuı yäisä oçqıç säfärläreneñ ğamäldän çığarıluı iskä töşerelep: "Säyäxät çikläwläre berqayçan da xäzerge qadär küp bulmadı”, - dip ätelde.

Belderüdä “Kovid-19” kizüe arqasında xalıqara turist sanında küz aldında totılğan azayunıñ turizm keremnärenä dä täêsir itäçägen häm 2019nçı yılğa qarağanda bıyıl dönyada turizm keremnärendä 300-450 milliard dollar tiräsendä yuğaltunıñ kötelüe assızıqlandı.

Dön’ya turizmınıñ 2003nçe yıldağı SARS kizüendä 0,4%; 2009nçı yıldağı global’ iq’tisadi krizista isä 4% tiskäre yoğıntıda qaluı xäterlätelgän belderüdä “Kovid-19”dağı näticälärneñ tağın da zur bulaçağına basım yasala.