Kosmetika firmaları Törkiyädän töçe çiyä ala

Törkiyäneñ Afyonkarahisarda citeşterelüçe “Gılli” sortlı töçe çiyäsen kübräk kosmetika şirkätläre satıp ala. Anı 30 ilgä êksportlıylar.  

Älege cirle töçe çiyä töre başlıça Afyonkarahisarnıñ Çay häm Sultandağı rayonnarında, şulay uq, Kon’yanıñ Akşehir rayonında citeşterelä. Bu könnärdä anıñ uñışın cıyu başlandı.  

Gılli tatlı çiyäseneñ ise başqa törlärgä qarağanda tağın da köçleräk. Anı tuñdırılğan yäisä kipterelgän xäldä çit illärgä satalar.  Gılli töçe çiyäsenä Awrupa däwlätläre, AQŞ, Yaponiya häm Qıtaynıñ zur firmaları östenlek birä. Anı, ğadättä, kosmetika, buyaw häm azıq-tölek sänäğatendä qullanalar.