Qıtayda aqçalarnı dezinfekśiyälilär

Qıtayda koronavirusnıñ taraluı belän köräş qısalarında qäğaz’ aqçalarnı dezinfekśiyälilär.

Şinxua agentlığınıñ xäbärlärenä qarağanda, Qıtay üzäk bankı qullanılğan banknotlarnı “karantin astına” aluın belderde. Aqçalarnı ul’trafiolet nurlar häm yuğarı cılılıqta dezinfekśiyälilär. Şunnan soñ, alar 7-14 kön kassalarda totılaçaq.

Belderüdä äytelgänçä, banklar kliyentlarğa, kiräk bulsa, qullanılmağan yaña aqçalar birä ala. Karantindağı banknotlar küzätü waqıtı tulğannan soñ qabat äyläneşkä keräçäk.