Rusiyäneñ tışqı säwdä kürsätkeçläre

Rusiya federal’ tamğaxanä xezmäte mäğ’lümatlarına kürä il êksportı bıyılnıñ ğıynwar-mart aylarında 2018 nçe yılnıñ şul uq çorı belän çağıştırğanda 1,4%qa artıp 104 milliard 900 million dollarğa citkän, importı isä 2,4%qa kimep 53 milliard 800 million dollar bularaq terkälgän.

Älege däwerdä Rusiyäneñ tuplam säwdä küläme 2018 nçe yılğa qarağanda 0,1%qa artıp 158 milliard 600 million dollar täşkil itkän. Tışqı säwdä defiśitı da 5,8%qa kütärelep 51 milliard 100 million dollar bulğan.

Dönyanıñ iñ zur neft’ häm tabiği gaz êksportçısı Rusiya êksportında yağulıq häm ênergiya êşlänmäläreneñ öleşe älege däwerdä 2017 nçe yılğa kürä 65%tan 66,4%qa kütärelgän.

2018 nçe yılda Rusiyänen tışqı säwdä defiśitı 62%qa artıp 211 milliard 600 million dollarğa citkän. Rusiya uzğan yıl êksportınıñ 87,9%ın bäysez däwlätlär berlegennän tış illärgä , importınıñ 89%ın isä bäysez däwlätlär berlegennän tış illärdän başqarğan.