Şofyersız yök maşinası

Şveśiyäneñ Yönçöping şähärendä şofyersız xäräkät itüçe êlektr belän êşläwçe yök maşinasın sınadılar. Ul qalanıñ sänäğat’ rayonınnan alğan tovarlarnı yıraqtan idarä itüçe operator yärdämendä taşıdı.

Maşinanı çığarğan Êynrayd şirkäteneñ ğomum mödire Robert Falk testtan soñ belderü yasadı. Ul monıñ revolyuśiyä buluın äytte. Dön’yada täwge tapqır keşesez êlektrlı yök maşinası qullanıla başladı. Falk äytüençä, T-Pod iseme birelgän älege yaña texnika xäräkätkä açıq yulda test ütkän.

5G texnologiyäse belän operatot tarafınnan kontrol’ itelüçe yök maşinası radar häm sensorlar belän cihazlandırılğan, äylänä-tiräne 360 gradus kürä ala.   

Citeşterüçelär yök maşinasınıñ ekonomik buluın belderä. “Şofyerlı häm mazutlı texnikağa qarağanda yaña yök maşinası 60%qa êkonomiyäle. Anıñ iminlek sisteması da alğa kitkän. Mäsälän, terrorçılar anı üz höcümnäre öçen qullana almayaçaq,”-dip añlata belgeçlär.