Soğud Ğaräbstanı petrol çığarunı qabat başlarğa mömkin

Êşçänlekne tulısınça torğızu atnalar buyı däwam itäçäk

1270031
Soğud Ğaräbstanı petrol çığarunı qabat başlarğa mömkin

Soğud Ğaräbstanınıñ milli neft’ şirkäte Saudi Aramko höcümnän soñ azayğan qara altın çığarunıñ yaqınça öçtän beren kön axırına qadär qabat başlataçaq. Bu xaqta wäqalätle zatlar AQŞnıñ “Uol strit jurnal” gazetına belderü yasadı. Alar äytkänçä, neft’ êşkärtep çığarunıñ ber öleşen yañarta alalar, ämma tulısınça tergezü öçen atnalar kiräk bulaçaq.  

Wäqalätlelär höcümneñ köndälek 5,7 million barrel’ citeşterüneñ dön’yaküläm neft’ çığarunıñ 5%ın alıp toruın häm bu kürsätkeçneñ qara altın bazarına täêsir itäçägen belderde.

Saudi Aramkonın yuğarı däräcäle citäkçelärennän berse Amin Nasser citeşterüne qabat tergezü öçen êşçänlek başlanuın äytte.

Könbatış däwlätläre kiräk bulsa ğadättän tış xällär öçen saqlawğa quyılğan neft’ne qullanırğa xäzer buluların xäbär itte. Soğud wäkilläre dä qısqa waqıtlı qullanu ixtiyaclarına cawap birü öçen depolardağı östämä neft’ne bazarğa täq’dim itä aluların citkerde.  

Neft’ bazarı sonğı tapqır 1990nçı yılda Ğıyraqnın Kuveytnı basıp aluınnan soñ yuğaltu kiçergän ide. Qara altın çığaru köndälek 4 million barrel’gä kimede.

AQŞ höcümnärneñ İran tarafınnan tormışqa aşırıluın häm keşesez hawa apparatları urınına idarä itelüçe raketalar qullanıluın farazlıy.

Amerikalı belgeçlär äytüençä, Soğud Ğaräbstanınıñ neft’ êşkärtü ob’yektlarına höcümnärdä 19 täêsir noqtası açıqlanğan. Dälillär isä alarnıñ kön’yaqtağı Yämännän tügel, könbatış yäisä tön’yaq-könbatış tarafındağı İran belän Ğıyraqtan kilüen kürsätä.

AQŞ däwlät särqatibe Mayk Pompeo isä Soğud Ğaräbstanındağı 2 neft’ êşkärtü ob’yektına höcümdä turıdan-turı İrannı ğayepläde. Tähran idaräse bolarnı kire qaqtı häm kiräk bulsa suğışqa äzer buluın belderde.



Bäyläneşle xäbärlär