Taw sӓnӓgӓte êksportı arttımı?

Taw sӓnӓgӓte êşlӓnmӓlӓre êksportı noyabr’da uzğan yılnıñ şul uq ayına kürӓ 26,9%ka artıp, 548 million 502 meñ dollarğa kütӓrelde.

Törkiyӓneñ Êksportçılar Mӓclese mӓğlümatlarına kürӓ Törkiyӓneñ noyabr’ ayı êksportı 2020nçe yılnıñ şul uq çorı belӓn çağıştırğanda 33,4%ka artıp, 21 milliard 468 million dollar buldı.

Ӓlege çorda taw sӓnӓgӓte tarmağı 165 ilgӓ 548 million 502 meñ dollarlık satış başqardı.

Tarmaq êksportı bu yılnıñ 11 ayında uzğan yılnıñ şul uq çorına kürӓ 42,4%ka artıp, 5 milliard 398 million 731 meñ dollarğa citte.

Taw sӓnӓgӓte tarmağı noyabr’da iñ küp êksport çınğa aşırğan il Qıtay buldı. Bu ilgӓ ӓlege ayda 130 million 271 meñ dollarlık êksport yasaldı.

Qıtaydan soñ Amerika Quşma Ştatları, Bolgariya, İspaniya, Hindıstan, İtaliya hӓm Bel’giya kilӓ.