Tel'-Aviv - iñ qıybatlı şähär

İzrail başqalası Tel’-Aviv dön’yadağı iñ qıybatlı şähärlär isemlegendä Parijnı täxetennän töşerde.

Angliyäneñ “Êkonomist” jurnalı tikşerenü bülege dön’yadağı 173 megapolista 200dän artıq tovar häm xezmätne küz uñında totıp äzerlägän xisabında täêminat çılbırındağı problemalarnıñ bäyä artularına kiterüen, koronavirus kizüe säbäple kertelgän çikläwlärneñ dä dön’ya külämendä citeşterü häm säwdägä naçar yoğıntı yasawın belderde. Anda äytelgänçä, megapolislarda yäşäwçelär bıyıl tormış qıybatlılığı mäs’äläsendä soñğı 5 yılnıñ iñ zur artuına şahit buldı.

Neft’ bäyäläreneñ üsüe şähärlärdä transportnı tağın da qıymmät xälgä kiterde. Monıñ tışında, dön’ya külämendä künel açu, şäxsi gigiyena şikelle tarmaqlar da bäyälär artuğa öleş kertte.

İzrail başqalası Tel’-Aviv tormış qıybatlılığındağı dön’yaküläm isemlektä bişençe urınnan berençegä mende. Franśiyä başqalası Parij ber basqıç asqa töşte häm Singapur belän ikençe urınnı urtaqlaştı.

İrannıñ başqalası Tähran AQŞ sankśiyäläre kitergän bäyä artular häm çikläwlär säbäple dön’ya qıybatçıllıq indeksında 79nçı urınnan 29nçığa küçte häm isemlektä iñ nıq kütärelgän şähär buldı

Xisapta tormış qıybatlılığı isemlegendä Awrupa häm alğa kitkän Aziya şähärläreneñ östä urın aluı, iñ oçsız qalalarnıñ isä Yaqın Könçığış, Afrika häm Aziyäneñ fäqıyr’ töbäklärendä buluı citkerelde.  

Süriyäneñ başqalası Dimäşq iñ oçsızlı şähär. Liviyä başqalası Tripoli isä isemlektä arttan ikençe urında.