Törek hawa yulları Rusiyägä oçaçaq

Törek hawa yulları 1 avgusttan başlap Rusiyä, Ğıyraq, Soğud Ğaäbstanı, Hindıstan, Kön’yaq Afrika häm Dubaiğa oça başlayaçaq.

Koronavirus kizüe arqasında çit il säfärlären tuqtatıp toğan häm 11 iyun’ könne oçqıç säfärlären qabat başlatqan Törek hawa yullarınıñ avgust ayındağı oçış kaldendare bilgele buldı.

Törek hawa yullarınıñ internet säxifäsendä yasalğan açıqlawğa kürä 21 mart – 31 avgust könnärendäge biletlarnı üzgärtep bula alaçaq.

Açıqlawda 11 iyun’ könne çit ilgä oçqıç säfärlären êtaplı bularaq başlatqan Törek hawa yullarınıñ 1 avgusttan başlap İranda Şiraz, Tebriz, Ğıyraqta Bagdat, Ärbil häm Söläymaniyä, Kuveyt, Abu Dabi, Dubay, Soğud Ğaräbstanında Riyad, Damman häm Cidde, Hindıstanda Mumbai häm Dälxi, Qırğızstanda Bişkek, Üzbäkstanda Taşkent, Aljirda Konstantin häm Vaxran, Misırda İskändäriyä, Xurgada häm Şarm-el-Şeyx, Tunis, Kamerunda Douala häm Yaounde, Keniyada Nairobi, Ganada Akra, Kön’yaq Afrikada Cape Town häm Yoxannesburg, Tanzaniyada Darüsselam häm Zanzibarğa oçışların başlatunı planlawı belderelde.