Törek hawa yullarına "5 yoldız" birdelär
Ul “2020nçe yılnıñ biş yoldızlı dön’yaküläm hawa yulı” isemen aldı
Törek hawa yulları dön’yadağı iñ ışanıçlı häm xörmätkä layıq aviaśiyä oyışmalarınnan berse bularaq qabul itelüçe APEKS tarafınnan “2020nçe yılnıñ biş yoldızlı dön’yaküläm hawa yulı” dip ataldı. Säyäxät belgeçläre büläkläw tantanası öçen 9nçı sentyabr’dä AQŞnıñ Los-Andjeles şähärendäge kongress üzägendä cıyıldı.
Bäyäläwgä aviayulçılar üz öleşen kertte. Alar 2018nçe yılnıñ iyülennän 2019nıñ iyünenä qadär yaqınça 600 hawa yulı şirkäteneñ ber millionnan artıq reysına ballar quyıp bäyä birde. Şulay itep, 2020nçe yılnıñ yoldızı saylandı.
Hawa yulları şirkätlärenä känäfilärneñ caylılığı, kabinada xezmät kürsätü, aşaw-êçü, küñel açu häm internet kategoriyälärendä bäyä birelde. Näticädä Törek hawa yulları ber-ber artlı inde öçençe tapqır biş yoldız aldı.
