Törek kelӓmnӓren kemnӓr satıp ala?

Törek kelӓmnӓre gigiyena alğı planğa çıqqan Kovid -19 pandemiyӓse dӓwerendӓ Amerika qıytğasınıň alıştırğısız êşlӓnmӓlӓreneň bersenӓ ӓwerelde.  

Bu qıytğağa bıyılnıň 10 ayında başqarılğan kelӓm êksportı uzğan yılnıň şul uq çorı belӓn çağıştırğanda 34,6%qa arttı hӓm 759 million 537 meň dollar tӓşkil itte.

Törkiyӓ êksportçılar assośiyӓśiyӓseneň kelӓm sӓnӓğӓte şurası rӓise Salahattin Kaplan törek kelӓmnӓren iň küp satıp alğan illӓr arasında berençe urında Amerika Quşma Ştatları toruın, annan soň isemlektӓ Soğud Ğarӓbstanı, Germaniya, Angliya, Ğıyraq, Misır , Berlӓşkӓn Ğarӓp Ӓmirleklӓre , Liviya , İran hӓm Bel’giya urnaşuın belderde.

Kaplan pandemiya dӓwerendӓ ayıruça Awrupa hӓm Amerika qıytğalarında gigiyenanıň alğı planğa çığuın belderep,”Törek kelӓme xӓzerge waqıtta Amerika bazarınıň iň möhim markası” dide.