"Törkiyä belän Rusiyä yärdäm soramadı"
Bik küp illär Xalıqara valyuta fondınnan finans yärdäme taläp itä
1387871
Üzäk häm Könçığış Awrupadağı üsep kilüçe 9 iq’tisadnıñ kübese – bu Awrupa Berlege tışındağı illär – Xalıqara valyuta fondınnan aşığıç finans yärdäme sorağan. İsemlektä Törkiyä belän Rusiyä yuq.
Bu xaqta Xalıqara valyuta fondınıñ Awrupa departamentı direktorı Pol Tomsen belderde. Ul Awrupanıñ koronavirus krizisı häm MVFnıñ öleşe turında blog mäqaläse yazdı.
Tomsen Kovid-19nıñ Awrupağa bik nıq itep bärüenä iğ’tibarnı cälep itä. Ul krizisnıñ niqadär däwam itäçäge bilgele bulmasa da, awır iq’tisadi täêsire bulaçağın citkerde.
Tomsen Kovis-19 krizisı belän bäyle basımnarğa qarşı Xalıqara valyuta fondınıñ yaqınça 50 milliard dollarlıq ğadättän tış xäl programmalarınnan faydalanırğa telägän 70tän artıq äğ’za däwlät barlığın da belderde.
