Törkiyä dön'yanıñ iñ zur iq'tisadları arasına kerergä omtıla

Törkiyä ilbaşı Räcäp Tayyip Ärdoğan 2020nçe yılda üseş däräcäsen 5% bularaq planlaştıraçaqların äytte. Ul bu xaqta Sivasta uzğan Üzäk Anadolu iq’tisad forumında söyläde. Üz çığışında ilbaşı êksportnıñ 36 milliard dollardan 170 milliardqa citüen belderde.

“İlebezne 2023nçe yılğa dön’yanıñ iñ zur 10 iq’tisadınnan berse xälenä kiterü yulında imin adımnar belän alğa barabız,”-dide Ärdoğan.

Ul turizmda da citdi külämdä turist ağımınıñ buluın äytte. Bıyıl 52 million turist kilüe kötelä häm bu kürsätkeç Cömhüriyät tarixında tarmaqta iñ zur san bulaçaq.   

Ärdoğan Törkiyä iq’tisadınıñ dinamik bazar strukturası häm dön’yaküläm sistemağa integraśiyä köçe belän aldağı çornıñ iñ küz uñındağı iq’tisadı xälenä kilüen assızıqladı.

Ul êşmäkärlärneñ yaña bazarlar tabu, yaña mönäsäbätlär tözü öçen dön’yanıñ här yağında gizüen, ilgä kilüçe dön’yaküläm investorlarğa barlıq şartlarnıñ tudırıluın söyläde. “İnşallah, iq’tisadıbıznıñ tergezelü prośessı 2019nçı yılda tögälläp, aldağı yıldan başlap tuqtağan cirebezdän üseş adımnarın başlayaçaqbız,”-dide ilbaşı.