Törkiyä yäşelçä häm ciläk-cimeş êksportın arttırdı

Törkiyäneñ 1nçe ğinwar-19nçı mart çorındağı yäşelçä häm ciläk-cimeş êksportı uzğan yılnıñ şul uw çorına qarağanda 27,6% artış belän 581 million dollar bularaq tormışqa aştı

1382717
Törkiyä yäşelçä häm ciläk-cimeş êksportın arttırdı

Könbatış Urta diñgez êksportçılar berlege başlığı Hakkı Bahar yaña tör koronavirus (Kovid-19) kizüe arqasında qayber tarmaqlarda êksport äkrenäygän bulsa, yäşelçä häm ciläk-cimeş tarmağında artışnıñ yäşänüen äytte.

Uzğan yılnıñ 1nçe ğinwar’-19nçı mart çorında yäşelçä häm ciläk-cimeş tarmağında 858 meñ tonna külämendä êksport başqarıluın, monnan 455 million dollarlıq kerem täêmin itelüen citkerüçe Bahar: "Bıyıl şul uq çorda isä 956 meñ tonna yäşelçä häm ciläk-cimeş êksportı yasaldı, 581 million dollarlıq ta kerem alındı”, - dip äytte.

Bahar bu çorda şuşı tarmaqta 85 ilgä êksport yasaluın assızıqladı.

Êksportta berençe urında Rusiyäneñ toruın äytüçe Bahar Rusiyädän soñ Rumıniya, Ukraina, Ğiraq, Germaniya, Bolgariya, Pol’şa, Serbiya, Gruziya häm Soğud Ğäräbstanınıñ kilüen belderde.



Bäyläneşle xäbärlär