Törkiyäneñ bitlek häm saqlawçı kiyem êksportı

Törkiyä böten dön’yada koronavirus kizüe üz êzen qaldırğan aylarda 573 million dollarlıq mediśina häm tuqıma bitlek belän saqlawçı kiyem êksportladı. İlneñ tegü sänäğate awır waqıtta iq’tisad öçen strategik ähämiyäten tağın ber qat rasladı. İndustriyä êçke ixtiyaclarnı da qanäğat’länderde, çit illärgä yärdäm itärgä dä citeşte.

İstanbul äzer kiyem häm tekstil’ êksportyerları berlege räise Mostafa Gültepe belderüençä, moña qadär kürelmägän kizü säbäple böten dön’yada bitlek häm saqlawçı kiyemnärgä zur taläp barlıqqa kilde. Törkiyädä tegü tarmağı bu ixtiyacnı qanäğat’länderü öçen citeşterü çılbırına tiz arada kiräkle üzgäreşlärne kertte.   

“Berençe 6 ayda 145 million dolları – bitleklär, 428 million dollardan artığı saqlawçı kiyem – tulayım 573 million yarım dollarlıq êksport tormışqa aşırdıq. Älege tovarlarnı çitkä satuda, uzğan yılnıñ şul uq çorı belän çağıştırğanda, 986% rekord üseşkä ireştek. Ber qarağanda, kizügä qarşı böten dön’yada keşelär öçen saqlaw qalqanı barlıqqa kiterdek,”-dip söyläde Mostafa Gültepe.