Törkiyäneñ üz milli êlektrlı poyezdı

Qaraismailoğlu Sakariyada berençe cirle êlektrlı poyezdnıñ êşxanädäğe sınap qarawları başlatılğan tantanada yasağan çığışında timer yulı texnologiyasında cirle häm milli transportnıñ êşläp çığarıluı belän iniśiativanı däwam itterüdä täwäkkäl buluların belderep: "Maqsatıbız – Törkiyäneñ timer yul sisteması transportın êşläp çığaruda möhim üzäkkä äylänüe”, - dip äytte.

Cirle häm milli poyezd komplektlarınıñ ber säğättä 160 çaqrım êşläw tizlegenä, 176 çaqrım dizayn tizlegenä iyä bularaq citeşterelüen añlatuçı Qaraismailoğlu xäräkät qurqınıçsızlığı alğı planda buluı belän bergä yulçı iminlege häm uñaylığı cähätennän teläklärne häm kötkännärne iñ yuğarı däräcädä qanäğätländeräçäk üzençäleklärgä iyä buluın citkerde.

Qaraismailoğlu 5 vagonnan torğan komplektnıñ tuplam urınnıñ 324 buluın häm ikeseneñ gärip (invalid) yulçılar öçen ayırılıp quyıluın äytte.

Transport häm asqorma ministrı citeşterlüe tämamlanğan prototip cıyılmasınıñ 60%ınıñ cirle mömkinleklär belän yasaluın, massaküläm citeşterü öçen isä 80% cirlelek külämeneñ maqsat itelüen belderep: "Prototip cıyılmasınıñ üzqimmäte çit ildän täêmin itelgän oxşaş êşlänmälärgä qarağanda 20%qa tağın da arzanraq êşläp çığarıldı”, - dip äytte.

Ministr Qaraismailoğlu: "İlebez monnan arı tiz yöreşle poyezdnı häm yuğarı tizlekle poyezdların üze êşläp çığara alaçaq torışqa ireşte. Monnan soñğı barışta Törkiyäneñ çit ildän transport täêmin itüenä kiräk qalmadı”, - dip assızıqlap äytep uzdı.