Tunisnıñ berençe xatın-qız tabibı - aqçada

Tävhidä bin Şäyxnıñ räsemen banknotta bastırdılar

1388516
Tunisnıñ berençe xatın-qız tabibı - aqçada

Tunis üz tarixındağı berençe xatın-qız tabib Tävhidä bin Şäyxnıñ räsemen aqçalarda bastırdı. Anı 27nçe martta qullanılışqa kergän 10 tunis dinarı banknotlarında kürergä mömkin.

İlneñ Üzäk bank däwlät qaznası direktorı Abdulaziz bin Said: “Tunis xatın-qızları häm tabiblarına xörmät yözennän bu banknotnıñ basıluına 1 yıl êlek qarar birdek,”-dide.

Bin Şäyx Tunis tarixında bik küp başlanğıçlarğa nigez sala. Ul ilneñ täwge liśey diplomına iyä xatın-qız isemen alğannan soñ 1928nçe yılda Franśiyä başqalası Parijğa kitä häm anda mediśina beleme ala. Tävhidä xanım ginekologiyä belgeçlegen üzläşterep, ilendä xatın-qız sälamätlege, ğailä planlaştıru häm abort xoquqı şikelle bik küp mäydanda êşçänlek alıp bara.

Bin Şäyx Tunis milli sälamätlek saqlaw şurasında urın alu xoquqı qazana. Ul Tunis Qızılay oyışması räise urınbasarı wazıyfasın da başqara.

Tabib Tävhidä bin Şäyx 2010nçı yılda 101 yäşendä baqıylıqqa küçä.

Dön’ya külämendä 2017nçe yılda uzdırılğan tikşerügä qarağanda, banknotlarnıñ 12%ında xatın-qızlar surätlänä.

Bin Şäyx ğaräp dön’yasında aqçada räseme bastırılğan täwge xatın-qız tügel. Tävhidä xanımnan alda Tunisnıñ antik mädäniyäte Kartacağa nigez saluçı dip sanaluçı prinśessa Êlisanıñ (Dido) räseme 10 dinar banknotında urın alğan ide.

Törkiyädä isä 50 liralıq banknotnıñ artında törek ädäbiyätınıñ täwge xatın-qız romanistı bularaq tanılğan Fatma Aliyäneñ portretı bar.



Bäyläneşle xäbärlär