Xalıqara investorlar yaňartıla alınğan ênergiya forsatları öçen İstanbulğa kilä

Qayber illärneň ministları häm xalıqara 29 şirkätneň yuğarı däräcäle citäkçeläre yaňartıla alınğan ênergiyädäge regional’ xezmättäşlek häm kapital salu forsatların söyläşü öçen İstanbulda cıyıla

1357279
Xalıqara investorlar yaňartıla alınğan ênergiya forsatları öçen İstanbulğa kilä

"Yaňartıla alınğan ênergiya küreneşe konferenśiyäse: Törkiyädä, Urta Aziyädä, Qavqazda häm Könbatış Balkanda finanslaw, kapital salu, qanuni tärtipkä salular häm yaňa texnologiyalar" çarası Atlantik şurası Törkiyä häm Awrupa tözekländerü häm üseş bankı tarafınnan 13nçe fevral’dä İstanbulda ütkäreläçäk.

Konferenśiyädä Törkiyä, Urta Aziyä, Qavqaz häm Könbatış Balkandağı illärneň regional’ ênergetika säyäsäte quzğatılaçaq, xäzerge säyäsi, xoquqi tärtipkä salu awışlığı, kapital salu moxitı, yaňartıla alınğan ênergiya çığanaqlarınıň çeltärgä integraśiyası häm texnologik yaňarışlar küreneşe mäs’äläläre dä bäxäsläşeläçäk.

Konferenśiya "Potenśialnı bäyäläw: töbäktä yaňartıla alınğan ênergiyanıň küreneşe", "Subsidiyasız yaňartıla alınğan ênergiyağa küçeş”, "Yaňartıla alınğan ênergiya çığanaqlarınıň integraśiyası", "Yaňa buın yaňartıla alınğan ênergiya çığanaqları häm yaňa texnologiyalarnıň role" häm "Regional’ yaňartıla alınğan ênergetika yaňarışları" isemle 5 utırıştan toraçaq.

Atlantik Şurası başlığı Frederik Kempe, EBRD daimi asqorma törkeme direktorı Nandita Parşad belän 29 xalıqara ênergetika şirkäteneň yuğarı däräcäle citäkçeläre bulaçaq konferenśiyädä Törkiyä ênergetika häm tabiği (tabiğıy) çığanaqlar ministrı Fatih Dönmäz belän töbäk illäreneň bäyläneşle ministrları da qatnaşaçaq.



Bäyläneşle xäbärlär