Yalğış 30 meñ tülägännär

Bel’giyädä ber qorıç fabrikası êşçeläreneñ banktağı xisaplarına yalğış 30 meñ yevro östämä tüläw küçerelgän. BBC kanalındağı xäbärlärgä qarağanda,  xezmätkärlär çınlıqta 100 yevro premiyä alırğa tiyeş bulğan. Şulay itep, êşçelärneñ atna axırındağı yalları küñelle syurpriz belän başlana. Qayberäwlär bu xäldän şöbhälänä, ikençeläre isä aqçanı alıp burıçların tüli. Berniçä keşe komarlı uyın uynağan.

230 êşçeneñ niçäsenä zur külämdä östämä tüläw küçerelüe bilgele tügel. Şirkät aqçalarnı kire qaytaruların taläp itä.

Qorıç êşxanäsendä êşläwçelärneñ aylıq xezmät xaqları urtaça 1 meñ 600 yevro buluın belderälär.