4 meñ yıllıq tuqu stanogı

Törkiyäneñ Denizli töbäge Çivril rayonındağı qazınularda 4 meñ yıllıq tuqu stanoğı öleşläre, tekstil’ êşlänmäläre häm aksessuarları qaldıqları tabıldı.  

Yuğarı Mändäräs basseynınıñ tön’yaq-könbatışında Bäycäsultan qalqulığındağı qazu häm restavraśiyä êşläre däwam itä. Anıñ iseme Bäxicä soltan törbäsennän alınğan. Älege häykällär Säşçükle çorına qarıy.

Arxeologik törkemne Êgey universitetı ädäbiyät fakul’tetı arxeologiyä bülege äğ’zası, professor Äşräf Abay citäkli. Ul êşçänlek waqıtında cirlekneñ tekstil’ citeşterü tarixın yaqtırtuçı mäğ’lümatlar tabuların äytä. “Monda bezneñ êrağa qadär 1700nçe yıllarğa qarawçı ber qorılma çıqtı. Zurlığı häm cihazlanuına qarağanda, bay ğailäneke bulırğa tiyeş. Anıñ êçendä zur saqlaw bülmäläre bar. Alarda tirä-yaqtağı cirleklärdän kiterelgän buluı añlaşıluçı tabıldıqlar çıqtı,”-dip söyli arxeolog.