Abdullah Ärän Bolgariyada Törkiyä stipendiyaların tanıttı

Abdullah Ärän Bolgariyada “Törkiyä stipendiyaları”n tanıttı.

Çit illärdä yäşäwçe töreklär häm tuğandaş cämğiyätlär berlege başlığı Abdullah Ärän, Törkiyäneň här yıl bakaavriat, magistratura häm doktoranturada uquçı 4 meňgä yaqın çit il studentına stipendiya täêmin itüen belderep, kürşe il Bolgariyanıň üzläre öçen möhim buluın äytte.

Ärän bu qısada Konstantin Preslavski universitetında oyıştırılğan tanıtu aldınnan rektor professor doktor Georgi Kolev belän oçraştı.

Abdullah Ärän 126sı däwlät buluı belän bergä 208 universitetı bulğan Törkiyä täêmin itkän stipendiya programması öçen 170 ildän möräcäğät’ alınuın aňlattı.

"Törkiyä stipendiyaları” tanıtu programmasında da çığış yasawçı Ärän, Törkiyädäge yuğarı belem birüneň sıyfatına basım yasap: "İň möhim kriteriybız akademik uňış. Bez stipendiyalarnı birgän çaqta êtnik tamırı, milläte tügel, kriteriy bularaq akademik uňışnı alğı planda totabız”, - dip äytte.

YTB Çit illärdä yäşäwçe töreklär häm tuğandaş cämğiyätlär berlege başlığı programmadan soň yasağan bäyäläwendä isä YTBneň ber atna buyı Bolgariyada tanıtu kampaniyasın alıp baruın, bu qısada Bolgariyadan uquçı yäş’lärneň kübäyüen kötülären äytte.

"Bez häm Balkan geografiyasınıň tınıçlığı häm dä Törkiyäneň diňgezdän häm cir östennän çik buyı kürşese bulğan illär belän ike yaqlı mönäsäbätlärne tağın da yuğarı däräcägä citkerü öçen stipendiyalarğa bik zur ähämiyät biräbez”, - dip äytüçe Ärän Törkiyä stipendiyalarınıň uňışqa nigezlängän xalıqara stipendiya programması buluın häm barı tik qawemdäşlärgä genä tügel, böten Bolgariya yäş’lärenä açıq buluın assızıqlap äytep uzdı.