Ädirnä tüzemsezlek belän velosiped yarışın kötä

İlbaşı isemendäge Törkiyä velosiped turı bıyıl 56nçı tapqır oyıştırılaçaq. Anıñ 7nçe êtabı Ädirnädäge Sälimiyä mäçetendä tämamlana.

Törkiyä velosiped sportı federaśiyäseneñ Ädirnä töbäk wäkile Utku Zorlutuna beldergänçä, milli häm xalıqara medianıñ yarışnı turıdan-turı êfirda kürsätüe turizm öçen ähämiyätle.

“Bik zur çara. İlne dä, Ädirnäne dä tanıtaçaqbız. Çönki bu zur çaranı qızıqsınıp küzätälär. Millionnarça keşe yarışnı qarayaçaq. Velosiped, başqa sport törläre belän çağıştırğanda, küzätü öçen tağın da qızıq. Marşrut şähärneñ ähämiyätle urınnarın üz êçenä ala häm qalanı tanıtu iñ yaxşı räweştä yasalaçaq,” - dide Zorlutuna.  

Tur 12nçe aprel’dän 19ına qadär uzaçaq. Anıñ 145 çaqrım ozınlıqtağı 7nçe êtabı Tekirdağ plyajı - Lüläburgaz - Ädirnä Sälimiyä mäçete marşrutı buyınça ütä.