Amsterdamda lalä köne
200 meñ çäçäkne buşlay tarattılar
Niderlandta lalä çäçäge çorı başlanuğa bağışlanğan “Milli lalä köne” çarası uzdı. Başqala Amsterdamdağı Dam mäydanında çäçäk üsterüçelär yaqınça 200 meñ laläne buşlay tarattı. Alarnı alırğa telägän meñnärçä keşe çiratqa tezelde.
Mäydanğa kilüçelär qullarındağı qäğaz’ paketlarnı törle töstäge çäçäklär belän tutırdı. Lalälär arasında fotoğa töşüçelär dä şaqtıy ide.
Çığışı Törkiyä buluğa qaramastan, lalälär Niderland belän assośiaśiyäläşä. Bu çäçäklär älege ilneñ iq’tisadı öçen zur ähämiyätkä iyä. Citeşterüçelär yılda 4 millionnan artıq lalä suğanı utırta. Monıñ yartısı çit illärgä satıla. Amsterdamda lalä köne yıl sayın bilgeläp ütelä. Ul ğıynvar ayınıñ 3nçe atnasında şimbä köngä turı kilä.
Bäyläneşle xäbärlär
İstanbuldağı aêroportlar rekord quydı
3 ayda ”İstanbul” häm “Sabiha Gökçän” hawa mäydannarınnan 27 millionnan artıq yulıçı säyäxät itte