Ӓnkarada Wonderland Eurasia açıla

Başqala Ӓnkarada qorılğan hӓm Awrupanın iñ zur parkı bulğan Wonderland Eurasia irtӓgӓ üz işeklӓren açaçaq.

Ӓnkara şӓhӓr xaqimiyӓte tarafınnan 1 million 300 meñ m2 lık alanda qorılğan küñel açu parkınıñ açılışın işetterü maqsatı belӓn 15 iyul’ Qızılay Milli iradӓ mӓydanında watnadaşlarğa futbol hӓm asletbol tupları taratıldı.

İrtӓgӓ açılaçaq Wonderland Eurasiağa berençe yılnı 5 million cirle hӓm çit il turistınıñ kilüe maqsat itelӓ.

Hӓr yӓştӓge keşelӓrneñ küñel açuı öçen ӓzerlӓngӓn parkta 23 aprel’-5 may könnӓrendӓ konśertlar da quyılaçaq.

Oçuçı utrawdan alıp oça torğan teatrğa, boz mӓğarӓsennӓn alıp şaqtıy küñel açu urını bulğan, 2 millionnan artıq üsemlek hӓm ağaç törlӓre urın alğan parkka kerü bӓyӓlӓre balalar hӓm olılar öçen 25 törek lirası, 4 keşelek ğailӓ öçen 80 lira, yıllıq bӓyӓ isӓ 950 lira bularaq bilgelӓnde.