Ayasofiyada ğibadät yulı açıldı

Daimi waqıflar tarixi äsärlärgä häm moxitına xezmät cämğiyäte Ayasofiyanıñ mäçettän muzeyğa äyländerelüenä qağılışlı Ministrlar Şurası qararınıñ ğamäldän çığarıluı teläge belän Däwlät şurası yuğarı mäxkämäsendä däğwa açtı.

Mäxkämä êşen tikşergän departament 2nçe iyül’däge utırışta taraflarnı tıñladı.

Utırıştan soñ dos’yäne tikşergän Däwlät şurası yuğarı mäxkämäseneñ 10nçı departamentı qararın qabul itte.

Departament Ayasofiyanıñ mäçettän muzeyğa äyländerelüenä qağılışlı 24nçe noyabr’ 1934nçe yılğı Ministrlar Şurası qararın ğamäldän çığardı.

Yuğarı mäxkämäneñ nigeznamäsendä Ayasofiyanıñ Fatih Soltan Mäxmät xan waqıfı milegendä buluı, mäçet bularaq cämğiyätneñ xezmätenä täq’dim itelüe belderelde.

Ayasofiyanıñ milek dokumentında mäçet bularaq terkälgän buluına, monıñ üzgärtelä alınmawına basım yasalğan nigeznamädä: "Waqıf isäbendäge mäçet üz üzençälegennän tış qullanıluınıñ häm başqa maqsatqa yaraştırıluınıñ xoquqi yaqtan mömkin bulmawı näticäsenä kilende”, - dip äytelde.

İlbaşı idaräseneñ êlemtä başlığı Fahrettin Altun tarixi Ayasofiya qararınnan soñ İlbaşı Räcäp Tayyip Ärdoğannıñ bügen Törkiyä waqıtı belän säğät 20:53tä millätkä möräcäğät yasayaçağın citkerde.