“Germaniyada ğailäneñ bötenlege mäs’älälärenä bıyıl zur ähämiyät biräçäkbez”

  Çit illärdä yäşäwçe töreklär häm tuğandaş cämğiyät’lär räislege başlığı Abdullah Ärän Germaniyada ğailäneñ bötenlegen saqlap qalu mäs’älälärenä 2020 nçe yılda zur ähämiyät biräçäklären belderde. 

Ul bu xaqta Germaniyanıñ Dyussel’dorf qalasında matbuğat äğ’zaları belän oçraşuında citkerde.

Ärän Törkiyäneñ Dyussel’dorftağı baş konsullığında ğailä attaşese bülege belän başqarılaçaq êşçänleklär xaqında mäğ’lümat birde.

Abdullah Ärän tübändägelärne citkerde:” Ğailä bötenlegen saqlap qalu maqsatı belän alman yäş’lär idaräläre problemaları, narkotik bäylelekkä qarşı köräş, qartlar yortlarnda qaluçı töreklärne üz mädäniyatıbızğa turı kiterep kürä qaraw, balalarnı maxsus belem birüçe mäktäplärğdä uqıtu êşçänlekläre alıp barabız. Ğailä bötenlegen saqlap qaluğa 2020 nçe yılda tağın da kübräk ähämiyät birergä telibez”.

Awrupada öçençe,dürtençe näsellärgä ireşkän töreklär arasında cämğiyät’neñ törle tarmaqlarında tanılğan şäxeslär buluın beldergän Ärän , ğailä mäs’äläse belän şöğıl’länüçe törek belgeç pedagog , psixolog häm advokatlar buluın , bu säbäple älege yünäleştä mexanizm buldıru kiräklegen citkerde.

Törkiyä belän bäylelegen yuğaltmağan köçle diaspora buldırırğa teläwlären beldergän Abdullah Ärän:” Diaspora mäs’äläsen Törkiyädä makro strategiyägä äwerelderep barlıq oyışmalar öçen urtaq ğamäl planı buldırırğa telibez”,-dide.