“İke şäfaq’ arasında” İtaliyädän büläk alıp qayttı

Törek fil'mı Torinoda uzğan festival'dä iñ yaxşı äsär dip tabıla

1743099
“İke şäfaq’ arasında” İtaliyädän büläk alıp qayttı

Törkiyä radiotelevideniye kompaniyäse belän xezmättäşlektä töşerelgän “İke şäfaq’ arasında” fil’mı İtaliyädän büläk alıp qayttı. Ul 26nçı noyabr’dän 4nçe dekabr’gä qadär uzğan 39nçı Torino fil’m festivalendä “İñ yaxşı fil’m” isemenä layıq dip tabıldı. Anda finalğa törle illärdän 12 äsär çıqqan bula.

Festival’ jüriye fil’m turında bolay di: “Ğadättän tış sśenariy häm rejissura belän ışandıra torğan xikäyä söyläwçe, kölderüçe, xisländerüçe häm şaqqattıruçı fil’m. Ziräk, ayıq aqıl belän töşerelgän häm yaña zur talantnı açıp salğan citlekkän fil’m”.

“İke şäfaq’ arasında” kartinası 2019nçı yılnıñ iyül’ häm avgust aylarında Törkiyäneñ Uşak töbägendä 4 atna êçendä töşerelä. Anda Kadir isemle keşeneñ, üz fabrikasındağı ber êşçe yaralanğannnan soñ, xıyallarına, ğailäsenä häm älege yaralı êşçeneñ xatınına yoğıntı yasayaçaq äxlaqıy dilemması sürätlänä.

Fil’m moña qadär dä berniçä festival’dä büläk alğan ide.



Bäyläneşle xäbärlär