İskeşähärdä "Keçkenä Prinś" muzeyı
Anda 400 törle teldä 2 meñ “Keçkenä Prinś” kitabı urın alğan
Franśuz yazuçısı häm oçuçı Antuan de Sent-Êkzyuperinıñ dön’ya ädäbiyätında däräcäle urın totuçı “Keçkenä Prinś” kitabınıñ Törkiyädä muzeyı bar. Ul İskeşähärdä.
Qaladağı Anadolu liśeyınıñ fälsäfä uqıtuçısı Ali Lidar üz uqu yortında 400 törle teldä 2 meñ “Keçkenä Prinś” kitabı urın alğan muzey oyıştıra. Qızğanıç, koronavirus arqasında anıñ räsmi açılışı bulmıyça qala. Ämma muzeyğa çikle sanda tamaşaçı qabul itelä. Alar maxsus xäzerlängän bülektä “Keçkenä Prinś” belän fotoğa da töşä ala.
Muzeyda Brayl’ älifbasında yazılğan nösxä dä bar. Biredä, şulay uq, dön’yadağı iñ miniatyur “Keçkenä Prinś”nı kürergä mömkin.
“Küktürk, aśtek, mayya tellärendä häm iyeroglif belän yazılğan kitaplarıbız bar. Malida cirle qabilä söyläşä torğan bambara telendä dä “Keçkenä Prinś” kitabı kürgäzmägä quyıldı,”-di Lidar.
Ul uqıtuçı bularaq muzeynıñ balalarnıñ qolağına ber närsäne kirtläwen teli. “Balalarğa dön’yanıñ törle cirlärendä bu qadär küp tel qullanuın añlatu kiräk. Bu alarda qardäşlek üzañın üsteräçäk. Dön’yanıñ uylanılğan qadär zur bulmawın kürsätäçäk. Törle urınnarda, törle tellärdä söyläşüçe keşelär añlaşıp yäşi. Bu kitapxanä monıñ dälile,”-di Ali Lidar.
Bäyläneşle xäbärlär
İstanbuldağı aêroportlar rekord quydı
3 ayda ”İstanbul” häm “Sabiha Gökçän” hawa mäydannarınnan 27 millionnan artıq yulıçı säyäxät itte