Makron Albaniyä xökümäte räisennän ğafu ütende

Ul Albaniyä gimnı belän bäyle waqıyğanıñ qabul itelmäs buluın belderde

1266205
Makron Albaniyä xökümäte räisennän ğafu ütende

Franśyä ilbaşı Êmmanuêl’ Makron Albaniyä xökümäte räise Êdi Ramadan milli gimn skandalı öçen ğafu ütengän. Şimbä könne ike ilneñ komandası 2020nçe Awrupa çempionatı saylap alu turında oçraştı. Matç başlanır aldınnan Albaniyä gimnı urınına Andorranıqı uynatıldı. Xata açıqlanğannan soñ anonslawçı Albaniyä sportçılarınnan ğafu ütenergä teläde, ämma yalğışıp Ärmänstan xalqınnan ğafu ütende.  

Makron monı “qabul itelmäs yalğış” dip atadı. Franśiyä ilbaşı anıñ öçen alban xökümät räisennän ğafu ütende. Bu xaqta Êdi Rama üz Twitter xisabında yazdı. Albaniyä liderı Franśiyä ilbaşın bu ğafu ütenüne xalıqqa iğ’lan itärgä çaqırdı. Şunnan soñ, Makronnıñ idaräse, matbuğatqa belderü yasap, Albaniyä xökümäte räisennän ğafu ütenüen rasladı.   

Matç axırında franśuz futbolçı Antuan Grizmann, Franśiyä milli komandası direktorı Did’ye Deşam häm ilneñ futbol federaśiyäse räise Noêl’ Le Grêt ta älege yalğışlıq öçen ğafu ütengän ide.



Bäyläneşle xäbärlär