Möxämmät Alinıñ iseme aêroportqa birelä

Sport dön’yasında “barlıq zamannarnıñ iñ böyege” dip iskä alınuçı häm 2016nçı yılda 74 yäşendä wafat bulğan legendar boksçı häm rasaçılıq belän köräşçe Möxämmät Alinıñ iseme AQŞnıñ Kentukki şähärendäge aêroportqa bireläçäk. Ul çempionnıñ tuğan yağı.

Räsmi çığanaqlardan alınğan xäbärlärgä qarağanda, ob’yekt “Luisvill Möxämmät Ali xalıqara aêroportı” dip ataçaq.

Boksçınıñ xatını Lonni Ali bu xäbärne işetkäç söyenüen häm ğorurlıq xis itüen belderde. “Ali, dön’ya watandaşı buluına qaramastan, tuğan yağın berqayçan da onıtmadı,”-dide ul.

Möxämmät Alinıñ möselmanlıqnı qabul itkängä qadär iseme Kassius Marśellus Kley. Ul 1942nçe yılda rasaçılıq nıq taralğan Luisvillda dön’yağa kilä.

Kley 1964nçe yılda, äle 22 yäş’lek kenä waqıtında, Sonni Listonnı ciñep  yuğarı awırlıqta dön’ya çempionı buldı.  Şunnan soñ ul İslam dinenä küçüen häm isemen Möxämmät Ali dip üzgärtüen belderde.

Mäşhür boksçı 2016nçı yılnıñ 3nçe iyünendä küzlären mäñgegä yomdı.