Pamukkaläğa 3 ayda 1 million keşe kilgän

Törkiyäneñ ähämiyätle turizm üzäkläre arasında urın aluçı ğacäyep Pamukkalä - Mamıq qal’gägä cäy aylarında yaqınça 1 million 100 meñ keşe kilgän. Bilgele bulğança, ap-aq travertinnarı, şifalı cir astı suları häm antik şähärläre belän danlıqlı cirlek YuNESKOnıñ Bötendön’ya mädäni mirası isemlegenä kergän.

Pamukkaläğa yıl buyı turist özelmi. Ämma cılı fasıllarda, älbättä, qızıqsınuçılar ayıruça küp. Dön’yanıñ här tarafınnan kilüçe çit il turistlarına cäyge yalların uzdıruçı törek watandaşları da östälä.

Pamukkaläğa 2017nçe yılda 1 million 524 meñ keşeneñ kerüe terkälgäñ. 2018dä bu san - 2 million 128 meñ. Bıyıl isä cäyge 3 ayda ğına 1 millionnan artıq. Yıl başınnan birle 1 million 800 meñ turist kilgän.